منتديات بيت ساسى لتوثيق الشعرالشعبى
منتديات بيت ساسى لتوثيق الشعرالشعبى
منتديات بيت ساسى لتوثيق الشعرالشعبى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتديات بيت ساسى لتوثيق الشعرالشعبى
::
منتديات الادب والشعرالشعبى
::
◄خراريف زمان للقصاص احمد يوسف عقيله
شاطر
خرافة (عويشه بنت الحوات....)
كاتب الموضوع
رسالة
روزا
نائب المدير
تاريخ التسجيل
:
19/07/2009
علم الدولة
:
المدينة
:
ليبيا
الجنس
:
الهوايه
:
الشعر
14
موضوع: خرافة (عويشه بنت الحوات....)
الثلاثاء 09 فبراير 2016, 8:18 pm
خرافة (عويشه بنت الحوات....)
قالك يا سيدك بن سيد كان فيه زمان بنيه اسمها عويشه و كان بوها حوات كانت ساكنه مع اميمتها و بوها .. و كانت ساكنه حذاها جارتّها و في يوم عَطَتّها لفْعَى وقالت لها حطِّيها في الْمَمْلحة يا عويشه.. وينما حَطّتّا في الْمَمْلحة.. جت أمّها وحَطّت ايدها بتاخد الملح لدغتّها اللفعى.. مرضت هاديكا الام . وصَرَّت دبشّها و حطاته فوق السده وقالت لمولى بيتها : (ما تتجوّزش لين عْويشة تَقْدَر تنَزّل الصّرَّة م الْسده).. و بدت جارتّهم كلّ مرّة جايّتّهم وتنَزّل الصرّة وتقول لعْوَيشة: (قولِي لبوك نَزّلت الصرّة وخوذ جارتنا).. قالت: (يا بوي نزّلت الصرّة وخوذ جارتنا).. خَذْاها.. و بعدما خَذْاها و كانت حذاهم تسكن غُوْلَة.. قالت لعويشه (بري للغُوْلة اقعدي معاها واقعدي معَ صغارها).. مشت البنَيّة عْوَيشة وكَنّست حوش الغُوْلة.. و خملاته و نظفاته و طيبت غدي الصغيويره.. و وكلت الدجاج.. جت الغُوْلة لقت الحوش نظيف زي الشمامه .. ولقت الصغار واكلين متحمدين متشكرين..و الدجاج شبعان خدت عويشه و رفعتها للبير و درجحتها في وسطه وقالت: (يا بِيْر أَمْلا عْوَيشة م الْخَير الكثير.. يا بِيْر أَمْلا عْوَيشة فضّة وحَرير.. يا بِيْر أَمْلا عْوَيشة م الذهب الكثير).. وطَلّعتّها.. بلبس حرير و فضه و صنه فايحه .. و أول ماشافتها مرت بوها.. قالت لبنتها: (حتّى انتِي يا فاطمة أمشي لخويلتك الغُوْلة واقعدي في حوشها).. مشت البنت و بدت تضرب في الدجاج.. وضربت هادوكا الصغار..و خلت الحوش مقلوب سافيه علي مافيه رَوّحَت الغُوْلة لقت الحوش حايس زي حارة ليهود .. ولقت الصغيويره يتباكَوا.. خَذَتّها و درجحتها في البِيْر.. وقالت له: (يابِيْر أَمْلا افْطُومَة م الشيونه والوسخ الكثير).. طَلّعَتّها شَيْنة و صنتها زي الجيفه حاشا السامعين .. رَوّحَت.. انقهْرَت عليها أمّها.. و كان فيه هَذاك السلطان كانت مرته ما تجيب الا في الْحنشة.. وكل ما تبي تْجيب حَنَش يْجيبوا قابْلة.. و ما يْجيبوها الاّ بالغَصْب.. وينما طاح الْحَنَش ياكل القابْلة.. مشت مرت بوها قالت للسلطان : (عْوَيشة كوَيّسة وعندها حِكْمة.. وينما بيجيكم مولود جديد خوذوها هي اللي تقبَل مرتك).. مشَى بو عْوَيشة الْحَوّات جاب حْوَيْتات.. خَلّت بوها ليْن عَدّا.. و قامتهم وحَطَّتّهم في البحر.. قالت لها الْحُوتة: (خودي ها الريشات.. وينما تضّايقي احْرقي ريشة انْجِيْك).. جتها مرت بوها.. قالتلها ـ: (انتي هي اللي تْمشي تقبَل مرت السلطان اللي تْجيب في الْحنشة).. حرقَت الرِّيشة جتّها الْحُوتة.. قالت لها: (يا أمّي الْحُوتة هذي قالت انتِي تقبلي الوليّة اللي تْجيب في الْحناشة).. قالت لها: (وَينما يطيح الْحَنَش اَجْرحي بطنه وسَيّبيه).. جابت مرت السلطان الْحَنَش.. جرحَت بطنه وسَيّباته.. قعد الْحَنَش في حاله ما مس حَد.. ولا كَلْي حَد.. ليْن كبر.. قالت لهم مرت بّو عْوَيشة ـ: (خيركم ما اطَهّرُوشي.. راهو عْوَيشة تعرف الطهاره).. قال السلطان لعْويشة: (تعالَي طَهّريلنا الولد).. حرقت ريشة.. جتّها الْحُوتة.. قالت لها: (يا أمّي الْحُوتة مرت بوي تبيني نطهّر الْحَنَش).. قالت لها: (أَقطعي ذيله).. جت وقطعت ذيله.. و لتهلهم مرت بوها تاني وقتلهم (خيركم ما تْجَوّزوش ولدكم الْحَنَش).. حَنَش كبير متقرطِس.. قالوا لها: (هذا ما يقبله حَد).. قالت لهم: (تاخذه عْوَيشة).. مشى السلطان وقال للحَوّات: (عَطينِي بنتَك عْوَيشة نبيها لولدي الْحَنَش).. قال له: (كيف..؟ هذي بنت.. وهذا حَنَش..؟!).. قعت عْوَيشة تبكي.. وحرقت ريشة.. جتّا الْحُوتة.. قالت لها: (يا أمّي الْحُوتة مرت بُوي تبي تعطينِي للحَنَش).. قالتلها: (بعدما ياخذك الْحَنَش.. هاكَ هالسبعه المطارِق.. وبعدما يْجِيْك كَسّري عليه المطارِق السبعة.. وقولِي: ارْمِي الجلْد اللي مَو جلْدَك.. خَلِّي الجلْد لبَيْرِش عَنَّك).. دارَوا الفرح.. وخذَوها.. وينما خَشّ عليها الْحَنَش.. بدت تضرب فيه وتقول: (ارْمِي الجلْد اللي مَو جلْدَك.. خَلِّي الجلْد لبَيْرِش عَنَّك).. نحا جبته .. وتَحول لشاب صغير زي الغزال.. وقعدت عْوَيشة عند ولد السلطان عايشه في خيار الخير .. لين جتّها مرت بوها قالتلها: (يا عْوَيشة نبي نمشي.. ونبيك تسايريني).. قالتلها: (باهي).. خذَتّها.. ومشت بيها.. مشت بيها.. مشت بيها بعييييد.. في هَاذِيْكا الصحرا.. لين تعبت م المشي.. وقالتلها: (خلِّينا نرقدوا شويّ).. رقدت عْوَيشة.. ولما رقدت سيّبتها مرت بوها و ولت طوّلت عْوَيشة وهي راقدة.. ناضت لقت روحها بروحها .. عَيّطَت: (يا يام.. يا يام).. ما لقيَت حَد.. مشت علَيْ مرت بوي .. مشت.. مشت.. لقت حنشَيْن يتعاركَو.. واحد منهم يقتل لاخر.. وينما يقتله يمضغ من عشبة تالاه ينوض حي .. قتلت الْحَنَش.. ونتشَت العشبة وخذتّها ومشت.. جت لهذِيْكا المدينة.. لقتّها مزوّقة بزواق أسود.. ومحَمّمة.. قالت: (خيرها هالمدينة..؟).. قالوا: (سلطان المدينة ميِّت.. وكل عام يجوه زوّار).. و جي راس العام.. جوا الزوّار.. خشَّت ع السلطان.. مضغت م العشبة وحَطَّت في فمه ناض حي ـ سبحان الله العظيم.. اللي يحيي ويميت ـ فرحت البلاد والزوّار.. وزوّقوا المدينة بابيض.. والسلطان خَذي عْوَيشة.
قال الْحَنَش ـ راجل عْوَيشة لوّلِ ـ نمشي ندوِّر عْوَيشة.. مشى.. مشى.. طَبّ علَي هَذِيْك البلاد.. نشَد علَيها.. قالوا له: (جت هنا.. والحاكِم مَيِّت.. ومضغت عشبة وحطّتّا في فمه و ناض حي وخَذْاها.. وآهي قاعدة).. جاها.. وينما طَقّ عرفاته.. قال لها: (جاي ندوِّر عليك).. كلّمتْ الحاكِم.. قالت له: (هذا مولى بَيْتِي.. نبِّي نمشي معاه).. قال لها: (لا.. ما تمشيش).. تخاصمَوا.. قالوا نمشوا للقاضي.. جوا للقاضي.. كلّ واحد حكَى بمشكلته.. قال الحاكم: (هذي جتْنِي ونا ميِّت تحاييت).. ولاخر قال: (جتْنِي ونا حَنَش وليت راجل)..قعد ولَيْدها يبكي.. نزّلاته.. الولَيْد للحَنَش.. تبي ترضعه.. قبل ما تحطّ ثديها في فم الولَيْد.. طرَّق الحليب في عين القاضي.. عين القاضي عورا.. فتّحت عين القاضي.. قال لهم القاضي: (لا.. هذي ما ياخذها حَد.. ناخذها اني).. تخاصموا عليها هم الثلاثه.. قعدت تبكي.. حرقت الرِّيشة.. جتّا الْحُوتة.. قالت لها: (يا أمّي الْحُوتة تخاصموا عليّا).. دارَتّها الْحُوْتة ثلاثه عْوَيشات.. عْوَيشة خَذها القاضي.. وعْوَيشة خَذها الحاكِم.. وعْوَيشة لَصْلِيّة خَذها الْحَنَش.
واني جِيْت جاي.. وهم مشو غادي.
تابعنا على مواقع التواصل الاجتماعى
خرافة (عويشه بنت الحوات....)
صفحة
1
من اصل
1
مواضيع مماثلة
مواضيع مماثلة
»
خرافة ((شي بن شي))
»
خرافة ام بسيسى
»
خرافة ام بسيسي
»
خرافة يا صبي ياصبي .
»
خرافة ام بسيسى والفار
صلاحيات هذا المنتدى:
لاتستطيع
الرد على المواضيع في هذا المنتدى
منتديات بيت ساسى لتوثيق الشعرالشعبى
::
منتديات الادب والشعرالشعبى
::
◄خراريف زمان للقصاص احمد يوسف عقيله
منتديات بيت ساسى لتوثيق الشعرالشعبى
::
منتديات الادب والشعرالشعبى
::
◄خراريف زمان للقصاص احمد يوسف عقيله
انتقل الى:
اختر منتدى
|
|--قسم المنتديات العامة
| |--◄ سجل الزوار
| |--◄القوانين وشروط الاشتراك بالمنتدى
| |--◄قوانين قسـم الترحيب بالاعضاء
| |--◄منتدى الترحيب والتعارف والتهانى
| |--◄ الشكاوى والاقتراحات
|
|--◄منتدى برامج الكومبيوتر والانترنت
|--◄منتدى اجهزة الاستقبال
|--◄منتدى استقبال القنوات
|--◄منتدى برامج ومعدات اجهزة الاستقبال
|--قسم المدونات العامة
| |--◄المدونة الاسلامية
| |--◄مقاطع وفلاشات وأذكارأسلامية
| |--◄مدونة الطب النبوى
| |--◄مدونة شؤون المراة
|
|--قسم منتديات الصور
| |--◄صورمن ذاكرة الوطن
| |--◄الصورالعامة -الكراكتير-صور نادرة
| |--◄أجمل الصورالطبيعية المتحركة
| |--◄قسم الديكور والتصاميم
| |--◄منتدى الفن التشكيلى
|
|-- قسم الالعاب
| |--ألعاب اكشن
|
|-- قسم الشعرالشعبى المرئى والمسموع
| |--◄الاذاعة المسموعة للشعرالشعبى
|
|--منتديات الادب والشعرالشعبى
| |--◄منتدى سيرة أولاد هلال
| |--◄منتدى الخواطرالشعرية
| |--◄خراريف زمان للقصاص احمد يوسف عقيله
| |--◄منتدى مسجات الهاتف المحمول
| |--◄منتدى الالغاز والاحاجى الشعبية
| |--◄منتدى المجرودة والقذارة والترجز
| |--◄منتدى الحكم والامثال الشعبية
| |--◄منتدى بيت المضّيفه
| |--◄منتدى النوادر والنكت والطرائف من التراث الشعبى
|
|--منتديات الفن الشعبى والشعرالغنائى
|--◄منتدى الشعر الغنائى المكتوب
|--◄تحميل الاغانى الشعبية المسموعة والمرئيه
|--◄الاذاعة المسموعة للفن الشعبى ( المرسكاوى )
|--◄المكتبة المرئية للفن الشعبى (المرسكاوى)
|--◄المكتبةالمرئية للاغانى الليبية