تصلي يانار غوالين

تصلي يانار غوالين

تصلي يانار غوالينا. ياللي بوقه بيك ابلينا. منك للحضار شكينا.

مولانا عالم مابينا. لوكان العون مواتينا. ماجرنان عزيز انسينا.

لاحر الدمعات بكينا. لامن نار فراق شكينا. لا بالتمويح تقاصينا.

لاعن الاقسام تخاطينا. لادار الحبان جفينا. لاجارن الايام علينا.

لامن كاس المر روينا. لابفراق عزيز رضينا. لايشمت والي فينا.

واليوم انجضوا تمينا. وين بداء غالي حسينا. وين زويله هف علينا.

عن قولة نبوه قسينا. غالي ماغيره غالينا. عنا متباعد يادار.

يادار الحبان خطانا. غالينا وانزاح جفانا. جيت القيت امفات مكانا.

تحلف ما ساعه غالانا. لاكان ايراجي في لقانا. لاضاقن الانضار حنانه.

شالن طول الليل حزانا. هلي بفراقه سمار. هلي بفراقه ذوبنا.

للياس الجاير سيبنا. والموح اطاول عدبنا. والقل امكبر نايبنا.

تيار العازه لاغبنا. والهم امجليه طربنا. يطرد فيه ان كان اقربنا.

والجرح الروقه سالبنا. والداواي عليه ادهبنا. والنار تمازي في حطبنا.

شالن لافوق لهايبنا. والحض معاكس غالبنا. يفزع في اللي ماتعجبنا.

ويغيب في ساعات كربنا. ديما ياعين مصايبنا. في سوق الغيات اكبار.

في سوق الغيه واوهامه. والصوب ولطات اقسامه. والضيم وجوره وآلامه.

منه شال الخاطر ياما. هو حمال وهي برامه. ريح اقسام لفت هدامه.

شالت بيت غلاي ارمامه. مالحقتها فيه ندامه. لاعدت عقلي وملامه.

قاصر عالمرهون كلامه. عقلي مو لاقي دبار ديما في الغيات خساير.

جملة ما نميت قهاير. ماعندي في الصوب دباير. لوكان العام ايجي ناير.

والعون ايبرم يداير. وايجنك ياعين بشاير. من مولى الممشوط ظفاير.

تزهيبا خزرات الطاير. هلي جى دونه نقار. (ماننسوه عزيز وصوبه . واللي مكتوبه مكتوبه)

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]