الهاوى مشرف
تاريخ التسجيل : 08/07/2008 علم الدولة : المدينة : ليبيا الجنس : الهوايه : الشعر 4
| موضوع: منقول مجروده (مرحب يا بو عين رغيبة) الخميس 10 يوليو 2008, 5:15 pm | |
| انقل لكم هذه المجرودة ارجو ان تنال اعجابكم
مرحب يا بو عين رغيبة .. ونزيد نرحب ترحيبة .. عاللي كافاني بحنان عاللي كافتني بالغية .. قتلها مرحب بالجية .. وانتي اللي مكتوبه لية .. نصدر فيك اليوم بيان ياللي صادر بحكم غيابه .. سبع شهور وزاد عدابه .. خلاني نجني في اتعابه .. غير غلاها ما ينهان غير غلاها يعز علي .. غير غلاها صافي النية .. غير غلاها موش شوية .. شايط ناره في الوجدان شايط ناره من الزينات .. ومن ريدي سمح المشيات .. اللي فيه عيون وسيعات .. تاعب منهن يا لخوان تاعب من نظرات عجيبة .. اللي ما لقيتلهن تطبيبة .. وين بعد انزاح سريبه.. حتي من بيت الجيران حتي طلتها يالايا .. تصبح وتمسي بغنايا .. طلتها تبريلي دايا .. وتجلي هبات أحزان وتجلي كل اللي صاير .. ما عاد عندي ليك دباير .. قعدت بعد غيابك حاير .. راني مزايف ديمان راني مزايف سكناها .. براك الشاطي من غرباها .. حرف الزين أول مبداها .. مكان الغالي يا شجعان مكان الغالي يعز علي .. واخد قدره في مكنية .. نمشيله فكل عشية .. وني ما نقدر عالنسيان وني ما نقدر عالتبريحة .. خوكم راو يبي النصيحة .. خايف يديرلا شي فضيحة .. تبدي مكتوبه عنوان مكتوبه بعنوان الخاين .. هاو اللي قدامي باين .. ما هو كيف وليش وكاين .. نبدي فتاريخي ندمان تبدي فتاريخي شهيرة .. نبي ننسي هالتكديرة .. نبي نقعد في زغريرة .. ديما متكيف فرحان متكيف فرحان معاها .. ريدي وين يقولوا سماها .. يهج القلب يجي يالاها .. ما في كيفه في النسوان ما في كيفه يفهم قولي .. ساعة فوقت العقل تجولي .. نقتل كان عرب وقفولي .. حبك ساكن في الكيان حبك ساكن في مكانه .. قدره من ربي سبحانه .. جاني اليوم وتم لقانا .. صدفة ما هي في الحسبان صدفة ما خطرت في بالي .. لين وقف صبا في قبالي .. بعد غياب سنين الغالي .. مدكر ما هو نسيان مدكر جاني متغير .. تو كبير زمان صغير .. فكره عن بالي ما غير .. جماله في الزايد مزيان جماله كيف نوصف تعبيره .. فيع خد واعين كبيرة .. والسالف يا زين ظفيرة .. كيف سناسل هالسجان كيف نوصف نقول شوية .. فيها قلب يصب حنية .. فيها أوصاف من الحورية .. غير الفارق في السيقان غير الفارق هي ميجودة .. افخيالي ما هي مفقودة .. والحورية قصة مسرودة .. تلاشت من قديم زمان تلاشت ولا من يسال عليها .. ومنايا ربي عاطيها .. سالف حر بلون مياميها .. الله يحفظها من المعيان تمثال غلايا وهو تسميته .. يموت القلب انكان جفيته
منقول للامانة مع تحيات bfs
|
|
Admin .
تاريخ التسجيل : 02/07/2008 علم الدولة : المدينة : رباية الذايح الجنس : الهوايه : الشعر 19
| موضوع: رد: منقول مجروده (مرحب يا بو عين رغيبة) الأحد 25 يناير 2009, 2:40 am | |
| |
|
Admin .
تاريخ التسجيل : 02/07/2008 علم الدولة : المدينة : رباية الذايح الجنس : الهوايه : الشعر 19
| موضوع: رد: منقول مجروده (مرحب يا بو عين رغيبة) السبت 06 مارس 2010, 6:25 pm | |
| |
|