أمـثلــة شعبيـــة

أمـثلــة شعبيـــة

الـبــخــت ** **

قليل البخت يلقي العظم في الكرشة

قليل البخت يلقي العظم في الرية

أصحاب السعد تحطّبلهم الريح

طايح السعد ينبحن عليه كلاب السوق

راقد الريح ينبحن عليه كلاب السبخة

الباب مفتوح والرزق علي الله

اللّي لك ما يخذها غيرك

اللّي مكتوبتلك تقسملك

اللي قاسمتلك ما اطيح من فمـك

ما بعد الضيق إلا الفرج

اللّي فيها الخير أيديرها الله

اللّي عند الله موش بعيده

اللّي يبّيه ربي يصير

اللّي موش قاسمتلك أطّيح من بين ايديك

اللّي ما يعطيش ربي ما يعطيه العبد

خلق الداء وخلق الدواء

خلق الباس وخلق له ناس

الخوف من الله موش من العبد

الخيرمن الله والشر من عباده

العمر يعارك دون صاحبه

رزقك ايجيك والصبر تناله فايده

رزقك ايجيك وتربتك تتعبلها

لا هروب من المكتوب

ليلة قبرك ما تبات خلا

الـــرجـــل

الراجل يحي قبيله والقبيله ما تحيي راجل

الراجل تربطه كلمته

الراجل ما يلحسش كلمته

الراجل تربطه كلمته والثور من قرنه
الراجل طير حر ان حصل ما يتخبل

الراجل سعده في اقدامه

الراجل كلمته ما طيحش في الارض

الرجال محاضر موش مناضر

الرجال بالاقدار مش بالأعمار

الرجال يتلاقوا والجبال ما يتلاقوا

أدعيـــــة

الله يجعل خدامك من حزامك

الله يجعل من يحاذيك يربح

الله يجعلك وين تشوّر تنوّر

الله يجعلك مفتاح البيبان المسكرة

الله يجعلك كي امعطن العد اللي يجوك يمشوا روايا

الله يهديك للخير

الله ايربّحك وين ما تعطي وجهك

الله لا ايدعدعك

الله ايجبها لك زينة

الله يكفيك شرهم

لله ايغلّبك عليهم

يا طالب أطلب اللــــه

وقـول: يا كريم المـعاطي

إلا العبد خليك منــــه

لا يـرفــعك لا يـواطي

[ندعوك للتسجيل في المنتدى أو التعريف بنفسك لمعاينة هذه الصورة]

مشكووووووووووووووووووورررررررررر وووووووووووواجد على هالامثال السمحة خوي ابدعت

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]