امثال شعبية ليبية

* في اللبس زوجة من ... وفي الشرف بنت من .
* كل شئ دواه الصبر ، إلا قلّت الصبر مالاهش دواء .
* مشيت للبحر نشكي من كبر هبالي .. حتى البحر وخّر ووجعه حالي .
* غيضه واسمع مافي قلبه .
* كل شئ تلقاه في السوق ، الا أمك وبوك .
* اللي يحب روحه ، يقعد بروحه .
* قرد موالف ولا غزال شارد .
* يا سعد من قال أمي .. وقالت نعم وجاوباته .. تاريتها الأم جنة .. ياتعس من فارقاته .
* كل حد وسعده .. حتى البرم وحدة تطبخ في السفناري وحدة تطبخ في اللحم .
* مدام ولدي حي يا سعدودي .. نوار قبرعون فوق خدودي .
* الفار الزرباز من سعد القطوس .
* اللي واخذ على طعامك ، وين ايشوفك يجوع .
* صامط قليل الملح ما يتعدّى .. برّك احدانا ناقته وتغذّى .
* يا تعس من عنده مالبنات حارة ... من بنت وحدة تفيّض المرارة .
* تمنيتلك يا قلب ما تتمنى ، حجة وتوبة والصلاة والجنة .
* حاسدين الأعمى على طول عكازه .
* إمشي صحيح لا تعثر لا اطيح .
* والله يا قِـلـّة طويسة مُـرّة .. تقلّـع غشاش القلب يطلع برّة .
* اللي مرته قصيرة ، يفرح ويقول صغيرة .
* ياعين خليك منه كثر البكي والغريدي ، إمغير أطلبي فضل مولاك ، يقرب زول من تريدي .
* بالله يا قلبي شرتعها ... يا رحمة ربي موسعها .
* فيه من كلامه مستكه وقرنفل ، وفيه من كلامه حار زي الفلفل .
* قال للقبر ردلي بوي ... قالّه أنا نستنى فيك .
* دخانك عماني ... وطبيخك ما جاني
* زوجت بنتي باش نرتاح من بلاها ، جتني وأربعة صغار وراها .
* الكذاب .. أصبر شوية وانشده .
* اشكون يسبقك ، إذا تجري وحدك .
* ما يغلبك كان اللي يقولك أعطيني فلوسي
* دير الزينة يا ولد وأنساها ... كان عشت على طول الزمان تلقاها .
* لو كان نشكي للنجوم يغيبوا ، الابحار تـنزح والصغار يشيبوا .

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

منور والله

تسلم ايدك

امسك هالكم مثل

الحره اول ماتزرب بيتها

بيت الزر امهدوم

سبع مهابيل وجتهم بنت عمهم زايره

الزاطله تخبر بليله عرسها

لحمار لمسقم مايطلع من النجع

ارحم من زار وخفّف

احسبني كيف خوك، وعاملني كيف عدوك

اختار الرفيق ، قبل الطريق

اذكر القط ، يجبك ينط

[ندعوك للتسجيل في المنتدى أو التعريف بنفسك لمعاينة هذه الصورة]

منور خوى على على مرورك الرائع

مشكور اخي على هذه الامثال
وخود عندك هذا المثل اللي مايشوف قبل الرشوف يحرق شاربه صهد المرق

غيضه واسمع مافي قلبه .

* كل شئ تلقاه في السوق ، الا أمك وبوك .

* اللي يحب روحه ، يقعد بروحه .

* قرد موالف ولا غزال شارد .

بصلك ولا كرم جارك ان دال بيك الزماني * وبالك تشاكي بعارك حتى ولو كان بن عم داني

ع الرمل ما ينبنى ساس وان طال عقبا عفانه * والقعر ماينبرم راس خلي كل شي في مكانه

واللي عدوك من الجد ماتامنه من خيانه

الايام اليا زهينلك وتي عزاهن قبل لا يلفلك

[ندعوك للتسجيل في المنتدى أو التعريف بنفسك لمعاينة هذه الصورة]
مشكورة اختى غزال الريم

مشاركة رائعة

كلبين ضعاف يغلبن كلب سمين
حاشاكم طبعا
هو يشكي من خلوة الدار والاخر يقوله ايش حال العيال
واحد مشنوق والاخر باله في الحلوه
يحسدوا العمى على طول عصاته

» امثال شعبية ومعانيها
» امثال وحكم شعبية
» امثال شعبيه ليبيه
» امثال وحكم ومقولات بالصور
» أمثال وحكم شعبية