عنــدكش كــرت منام؟؟

شعر بعنوان
عنــدكش كــرت منام؟؟

عنــدكش كــرت منام
بالله أبعثه راهو رصيدي تام
قتلــــني الســهــــر
دز كــــرت صراحه
أيــداوي وجع قلبي ونزف أجراحه
يا إيطيب يا أما إيموت في مطراحه
نفتك من قولة الشي أقسام
ماعاد عندي للأحزان مساحه
تعبت الشفرة والجهاز أجمام
دز كــرت أيطــمن
أمور صاعبه واجد علي ألتمن
عاشقاتني وأتقول في أيشمن
تلاقن أفلاس وحظ عكس أيام
عنــدكش كــرت منــام
بالله أبعــثه راهورصيدي تام
قتلــني السهــــر

وأسلمتــــــووا

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

رأس البيت للشاعر المرحوم محمد عبود الصبيحي، يقول فيه:

ليش تجيني ..تخطر علي اعزاز و تبكيني ..كذاب يا منام الليل

* * * * * *
ديما لافي

ليش يا منام علي وانا غافي

تكذب علي تجيبلي في اولافي

تخييل نين ننظرهم اقبالة عيني

ومغير يا منام تزيد لي في اريافي

اعزاز بينهم ما بعد الله وبيني

نقفز و يدردر الجو الصافي

وتناوض علي قديم وتخليني

تنفخ احلامك جمر كاين هافي

وتطلق معايا نار وتشقيني

ابقيت نين من خوفك النوم مجافي

يا منام بيش تسالني هنيني

فيش تدوّر

تجيني ازويل عزيز لي تصوّر

كذاب لا تخادعني بحلم مزوّر

تجيبلي زها من ماضيات اسنيني

ما شي يقضي لي الدم يفوّر

ويحرك معاه العين ويكديني

ليش تخرّب

عقاب نوم ما جاني الا يتكرّب

سبحان وين تبقا في القديم تقرّب

خيالات ناس فراقهم رازيني

تزيدني شقا تحساب في تطرّب

الله يسامحه منك اللي يوعيني

ليش تفاجي

في عقل نا يا دوب فيه نداجي

تحت الغطا فيا تقول تراجي

تخطر مواجع حارقات كنيني

ونا من سمور الليل جيتك لاجي

ليش يا منام تزيد في تكويني

بيش تطالب

امغير وين ما نغمض تجيني جالب

تخطر عليا في زهاي الهالب

تفتش تطلع يا منام دفيني

غلا درت في الماضي عياري قالب

حتى بلا حلامتك ما خطيني

غلا كنت فيه نعول والله غالب

فراقه جرا مكتوب فوق جبيني

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]