ترا حط الشاهي ع النار

[ندعوك للتسجيل في المنتدى أو التعريف بنفسك لمعاينة هذه الصورة]

ترا حط الشاهي ع النار احني سمار حكاوينا غية وأشعار
وتيت العالة للشاهي اقرب دونك شور الكانون
لله الحق الحال باهي والوقت امواتي وحنون
وهاالليلة نبي انسهريلك عن صوب اللي بقي مرهون
واللي مكنون في القلب ومابا يوم ايهون وياما صار
اسمع نبدالك باللي صار اول الحكاية
شالتني للحب خطايا والقيت غلايا
زين ودار عهود معايا غنيت عليه
انا غاوي عاشق غاليه وعندي فيه
الصوب انديرة وانداجيه وفا واقدار غنا واشعار
سلمك شهواي قلت الغالي كيف اوصافة
اسمعني زين انجيب اوصافة حد الزين
كالا العيون اسماح وقابل فيهن عون
اما الاهداب اسيوف وبانن يوم احراب
وكالا من الطول مرادع مافيه ولاقول
اما السوالف شي امخالف
كي الحرير ايبان ضفايف
وخايف خايف مانلقى للزين وصايف
العقل احتار مع الانظار في اللي زينا ما عمرا صار

ان كانة مشيتها تدرج ساعة جيتها
اما لبستها ليبية سمحة صيفتها
واما ضحكتها هي ود العين وفرحتها
ودوم خجولة ريدي ياخويا معدولة
ولافيها لولة ان كان غلا قايم في اصولة
لكن دار القسم وصار
غلانا متباعد في الدار

الاقسام ياخوي ان كان اتواتي اتخلي اللي كانوا ابعاد قرايب
والاقسام ان كان مااتواتي ياما اتفرق بين اتنين حبايب
خدنا ياصاحب الاقسام ولا انا ولا هى تلتام ابقي مافي يدي غير كلام

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

» عينان لاتمسهما النار(اللهم اجعلنى واحبتى منهم ياكريم)