نسمع صوتك..

نسمع صوتك..حتى ونا واخد قرار نفوتك.

ياخدنى عليك أرياف

نسمع رنة...ياخدنى الشوق نزيد ليك محنة

نشعر برجفة نبض نا كاينة...نسلت شراييني النفس ياهوتك

نسمع نبره...صوتك اللي بلسم ومنه نبرا

مرات تخنقني معاك العبره...ننهف نهيف يزيد وأن سكوتك

نسمع همسه...يتردد صداها في الحواس الخمسة

باهى اللي بالصوت ماهى لمسة...نموت موت ونكون السبب في موتك


الشاعر (عبدالله فؤاد)
ايقول



بس نسمع صوتك.... حتـى لوبعدهـا ياعزيـز أنفوتك

امسامح ولكن ..؟


ماتظلمنى .... تـواضـع وانـســا ماجرا كلـمـنـي

امرايف عليك أرياف ماتحرمني .... أرجوك يكفني خـلاص أسكوتك

مانى طامع .... ولا فالنساء خاطيك ماني سامـع

ولاعــاد فالدنـيـا أنريد مطـامـع .... واللي طالبه بينك وبين امروتك

نسمع كلمة...حتى كان مقسومة وفيها شلمة

خيال راود خاطري في حلمة...أرجوك ماتحرق معاى كروتك

نسمع حسك...هدا شعور القلب كانهو مسك

حافظ عليه الحب بيه تمسك...ماحوتنا درنا غلا ماحوتك

بس نسمع صوتك .... حتـى لوبعدهـا ياعزيـز أنفوتك

امسامح ولكن



الشاعر/سيف الإسلام عقوب

قال:-


أرياف يخرّب...عزمي ويبقى فيك لي يقرّب

يداعب إحساسي في الأسماع يطرب,,,يكبر غلاك وينثبت مثبوتك

ياظالمة منك العقل تهرب...جاء صداف همسك دالنى طاغوتك

نزيد أرياف...بصوتك ندوسه أنطيح عالمطراف

يا غالية يا نسلهم الأشراف...حدود منيتي يبقوا نسابة خوتك

عليك توبتي راهى أمغير أقطاف...يااللى نظرتي جيهتى ماحوتك

نسمع صوتك..حتى ونا واخد قرار نفوتك.

ياخدنى عليك أرياف


الشاعر خارج السرب

قال:-


نسمع حسك..تنهيدة ولهفة في أعماق نفسك

ويسرى شعوري يمسني ويمسك...نبكى عليها بخوتنا وبخوتك

ضايع غلاك وبيه نا متمسك...نحلم بمرسى في أركان أشطوطك

نسمع صوتك..حتى ونا واخد قرار نفوتك.

ياخدنى عليك أرياف


للأمانة منقووووووووووووول