افزعلي يا خالق هالكون

[ندعوك للتسجيل في المنتدى أو التعريف بنفسك لمعاينة هذه الصورة]

الفنان عبدالجليل عبدالقادر

افزعلي يا خالق هالكون

افزعلي يا خالق هالكون
وهون جرح اللي مرهون
خالق هالناس
الجوف اطريله كي صور مظورةكاس
غلاها داير في محاس
ومن غيرك ما ينفع عون
ما يفيد سنيد
ولا جرح يجيبه تضميد
عيون اللي طايب عالصيد
رضي من تبقاله واشون
يا حنّان
مطوجني عين الشيهان
انزازي من ناره غلبان
لانا طلته ولابا يهون

[ندعوك للتسجيل في المنتدى أو التعريف بنفسك لمعاينة هذه الصورة]

واقع عبدالجليل عبدالقادر لا ينجب الاطفال وهي إرادة الله

عبد الجليل عبد القادر يؤدي أعماله بإحساس مرهـف جـدا ويتفاعل مع الكلمه وخاصه تلك التي تمس خصوصياته والتي كان بعض الشعراء المقربين علي دراية تامة بمعظمها بحكم علاقتهم به سواء الفنيه او الاجتماعيه ويعتبر عبد الجليل من الفنانيين الصادقين الذين يغنو على واقعهم وقد بكاء اجليل وانفعل في العديد من الحفلات التي مست واقعه ونذكر منها موال

ضاعـن أسنيـنـا العـمـر ....... وعـدن أيامــه شبـابـي

لا القلـب رام الـصـبــر ......... ولا الدمـع خـفـف عذابـي

ولله تاركـــه لامـــر ...... بالحــال ماهـوش غابــي

واغينة طالب مولاي التي كتبها الاستاذ الشاعر عيسى موسي التي كلما تغنى بها انفعل وبكاء

طالب مولايا يارب العالي ****** يكفيني اهموم دمعي شتولاي

طالب مولاي مولايا الليله ****** يرتاح البال ياربي واندير اعويله

طالب مولايا والمولى اقريب ***** عمرا ما ادعاه محتاج ايخيب

ايفرحني المولاى بالصيت الطيب ***** قولوا امين ايحققلي امالي

[ندعوك للتسجيل في المنتدى أو التعريف بنفسك لمعاينة هذه الصورة]

عبدالجليل عبدالقادر

العيب نحنا معاك لا ما درنا ,,,,, ولا يوم نرضو ينكسر خاطرنا

ليش اتكافي الود بالعيبه تريد ريافي

تحساب الغلا بالسيف خللك جافي

اصحاب قدر ما نحبو اللا بخاطرنا

ياما رينا ايام معكوسات ما شاكينا

مفيت الكريم الحي يلطف بينا

نعيشو عقاب العمر بيه عصرنا

ياما قالو حساد فينا من كلام وشالو

ناوين عالسيات هم مازالو

وحنا معاهم يوم ما قصرنا

عبدالجليل عبدالقادر

خطا وجعنـــــى

ياريت ما دار الخطا وجعني

وياريت ما فارق ولا ودعني

ياريت عد الغيه

وياريت ما طالن عيوبه فيه

دار الخطا كافا غلاي بسيه

تبع كلام عداي ما طاوعني

حتي وهو غالي صحيح عليه

نفسي عزبزه لذلته تمنعني

ياريت صان غلاه

ويارين ما فارق وصار خطاه

وما عمرنا بالعيب وجعناه

في كل يوم بعيبته لاذعني

عزيز عالخطا ناوين ما ننهاه

يجد بمصايب فالغلا فاجعني

عبدالجليل عبدالقادر

زعم يا بعيد الدار عهدك وافي

والله علي مدعاي هب السافي

زعم نشغلك قوليلي زعم سامره فاليل غير اتسيلي

زعم نخطرو والله تريدي تقيلي

ويرضي غزال الريم بالصفصافي

زعم نشغلك فالغيبه زعم حبنا صافي اليوم حليبه

والله علي مدعاي صارت ريبه

ونزلت علي منهل غلاي اكفافي

كيف عهدك بيه لا رجت لاوالي ايجي عالنيه

فيما مضا كيسانه ممليه

بصوبك اتخليهن اليوم مكافي

عبدالجليل عبدالقادر

حبيب قــاصــــده بـالمحبـه جفــــاني

نكر ما بغـاني

قليــل خيـر من بـعــد العقيـدة رماني

حبيب قاصـــــــده بـالمحبـه ظلـمنـي

و حبه حرمني

و لا عيـب درت و بـالخــطيـه تـهمنـي

أصـــابـيـت نـا ويــاه لام و شتـــمنـي

تعقد ألسـاني

تـحلـــف إلا بـكــــــوش ربـي بـــلاني

حبيب قــاصـــــــــده بـالمحبـه و ودي

ثاريه ما إيندي

غـزلنـا أخيـوط الصـوب مابا إيـســــدي

و ما إيـديـر غيـر الجـور و اللي أتـكـدي

بعته شـراني

شــريـتـه تـنكــر خـان صيّف أجنـــاني

حبيب قــاصـــــــده بـالمحبـه و طيـبـه

أمعاي دار غيبه

جــــفانـي بـلا سيــات تـحلـف طليـبـه

تركت الغلا و مدعاه ما عادشي أنجيبه

و يا طول ما نداني

و اليــــــوم بـرم ريـح عـــونـه سـفاني

حبيب قـاصــــده بـالمحبـه الشــــريـفه

و أبنيه نظيفه

تـاريـه خاطــــري مخــدوع بحبه و زيفه

الجـــافي اللي ف البـعـد ما ريت كيـفه

أبـنـاره كــواني

صنــــاها أرقي لافـــــوق منـها أنـعـاني

حبيب قــاصـــــــــده بـالمحبـه تـنـكـــر

و صفوي أمعكر

و ف اللي جـــــرا بـيـنـاتـّنـا ما إيـفكـــر

إن جيـت نـلقـــــــــاه بـابـه أمســكـــر

تبرّم نساني

بـعـد بقيته ع الصوب هو اللي دعـــاني

حبيب قـاصــــــــده بـالمحبـه أقــــربـته

و أبنيه رغبته

ثــاريـه مـغــــــــــرور تـبــــــرّم هلبـتـه

إيـديـر الخطا و ف اللي لوّله ما أحسبته

العلقم سقاني

تـركتـه أنـعـــده كيـف هالـدهــر فــاني

حبيب قـاصــــــده بـالمحبـه أبــزايــــــد

نكر موش رايـد

و منـا الخـاطــــر ذاق مــر الشــــــدايـد

جفاني كسرني كسر أمشلعب قنــايـد

و دمعي كساني

و نــومي بـعـد فرقـــاه ما عــاد جـــاني

[ندعوك للتسجيل في المنتدى أو التعريف بنفسك لمعاينة هذه الصورة]

عبدالجليل عبدالقادر

نفسى عفيفة مااطيح لوالى

سوى تكرها وإلا قريباً غالى

رباية عفه كانت خصايل عين ما تعرفها

وحضت الدنيا ونا في كفة والكف لاخر الكرم متمالي

حتى وانا جفاها بو غتيت السفا قالت لا لا ندور نا تالي

بالذل ما تجدا والدمع لا رقرق العزم يرده

وان كان ضيق الحال فاوت حده وجه المشكه والنجا للعالي

واللي تكرها لا ما ادور وده واللي تعزه تكسبه طوالي

نفسى عفيفة مااطيح لوالى

سوى تكرها وإلا قريباً غالى