شن دارلك يا عين طول اريافـــــك

شن دارلك يا عين طول اريافـــــك


[ندعوك للتسجيل في المنتدى أو التعريف بنفسك لمعاينة هذه الصورة]


شن دارلك يا عين طول اريافـــــك .. .. ترجي وماردوا عليـك اولافـــــك

طال رجـــــاك .. .. ابقيتي بروحك ما عزيز احـــــذاك

ديمـا امعيـط ياالعـين وراك .. .. علي ما رميتي ما تصيب اهذافـــــك

وديما وراهم قاصرات خطـــــاك .. .. على ما مشيتي ما عزيز اصدافـــــك

وديما اقسامك لاطـات معـــــاك .. .. على ما سعيتي ما صدق عرافـــــك

وديما ايامـك قاطعـات الـــــواك .. .. على ما حدفتي ما شبك مندافـــــك

ناقص بلاهـم يالعيـن زهـــــاك .. ..حتى لو حلفتي ما حنت حلافـــــك

وديما تراجي والرجـا خـــــلاك .. .. تريدي العالي لين يعمـر كافـــــك

ولكن الله رايـد علـى فرقـــــاك .. .. وبينك وبين عزيز صار خلافـــــك

ما شـئ دائـم يالعيـن افـــــداك .. .. حتى لومضا سيفك على سيافـــــك

بداك اصبري ويسدنا ما جاـــــك .. .. وخلى سهاريك علـى خرافـــــك

واللي رادلك ياعين باب هـلاك.. .. وحطم مساعيك وسور احلافـك

بينـا وبيـن الله حـد ادعــــــاك .. .. يبان العشم ويبـان رد اسلافـك

:مع السلامة: