من خواطر الشاعرحاتم المغربي
خطرتها عليا غناوة لبراهيم بو عزيزة
ايقول فيها ( لوعات واجده جربت *** القيت لوله هي الماكنه)
قلت
غلاكـي واعر يـا خلود ...بـحر ممدود...اللـي يخشه مـا عاد ايـعود
[ندعوك للتسجيل في المنتدى أو التعريف بنفسك لمعاينة هذه الصورة]غلاكي واعر يا مقساك...ايجض معاك...العقل ويـجبدلي مــدعاك
فــكل اوقات ايجـب غلاك...وهو امهدود...سوا فـي وقضه ولا ارقود
وكـي لــميته من يالاك...ابـقو جهود...القيت اللـي ينفــع مـفقود
[ندعوك للتسجيل في المنتدى أو التعريف بنفسك لمعاينة هذه الصورة]غلاكـي واعر يـا خلود ...بـحر ممدود...اللـي يخشه مـا عاد ايـعود
[ندعوك للتسجيل في المنتدى أو التعريف بنفسك لمعاينة هذه الصورة]غلاكـي واعر يـا خلود ...بـحر ممدود...اللـي يخشه مـا عاد ايـعود
غلاكي يم اعيون ذبايل ... ما بتشي تطفي نيرانه
طول الليل عليه انحايل ... عقلى مطاول جرنانه
صايف دون ارقادي حايل ...ومسمر حتي جيرانه
حتي كي نرقد ونحايل... يخطر ع الخاطر في وانه
نقفز من نومي نشايل ... في جوفي يقوي اصهدانه
حرقه في صمصومي شايل...من زول اللي قل هنانه
ع الخد دموعي تسايل ...من قابيته هان غلانه
حتي وين جديد ايخايل ...نغلط نحكيله بفلانه
بوممشوط اسود متمايل ... يوحل كي ينوي اجدلانه
فيها خدود اتقول فتايل...سبحان الخالق سبحانه
اللي ما تنظر فيها علايل... من راسه لاخر سيقانه
بو مشية سمحة اتمايل ...ما تسمع حسا اوطيانه
من يوم افراقه نا جايل ...في اهرود ...غلاه لقطني لقط اصيود
[ندعوك للتسجيل في المنتدى أو التعريف بنفسك لمعاينة هذه الصورة]غلاكـي واعر يـا خلود ...بـحر ممدود...اللـي يخشه مـا عاد ايـعود
[ندعوك للتسجيل في المنتدى أو التعريف بنفسك لمعاينة هذه الصورة]غلاها واعر كي نطريه ...ايهف عليه... العقل ويجبدلي ماضيه
ايام سعته غاوي فيه ...وزدت ازيود ...غلاها هالب كل احدود
غلاه دوم انهاتي بيه ... ايجي مهدود ..الدمع اسيول علي لخدود
[ندعوك للتسجيل في المنتدى أو التعريف بنفسك لمعاينة هذه الصورة]غلاكـي واعر يـا خلود ...بـحر ممدود...اللـي يخشه مـا عاد ايـعود
[ندعوك للتسجيل في المنتدى أو التعريف بنفسك لمعاينة هذه الصورة]غلاكي واعي حاز افكاري ... لانسيتك لا دريت جديدي
جرحي من فقدك قطاري ... لا لايم لقبل تضميدي
وين انشوف جديد اصداري ... يقوي من صدري تنهيدي
منسيتك يا سمح الطاري...لا حطيت ايدك في ايدي
ياسك يا خلود اصداري ... جا ممدود...متومج واتي بالبارود
[ندعوك للتسجيل في المنتدى أو التعريف بنفسك لمعاينة هذه الصورة]غلاكـي واعر يـا خلود ...بـحر ممدود...اللـي يخشه مـا عاد ايـعود
[ندعوك للتسجيل في المنتدى أو التعريف بنفسك لمعاينة هذه الصورة]