شن خليـت

شن خليـت.كبدى وروحى والعيون خذيت أنريد ننشدك بالله

شن عقبت.قلبى ونبضى والكنين سلبت

حتى النفس والروح ما هلبت.شلت النظر والصوب فيك بليت

ساكن جواجى العقل فيك كتبت.كل القصايد يا جميل الصيت

فى غيبتك ساعة أدموع سكبت.لو غبت عنهن يوم راني اعميت

شن ما جاك.خلف تمكن فى الكنين غلاك

ياحلم في زينك أتقول ملاك.يالخايله في الزين ما كفيت

يالرايعه فى روعتك محلاك.يام الميامى سود وامفاليت

يام الجدايل ع الكتوف احذاك.عاشق صحيح انقولها حبيت

انريد ننشدك عالشوق.انريد ننشدك عالحب والمعشوق

انريد ننشرك بالك امعاى اتروق .وفى فاهقى ياما اللى واريت

عندى مشاعر شذيها مطلوق.هدت على ساسك لها حنيت

ياللى الحنين امعاك بلسم ذوق.لوعام نوصف فيك ما وفيت

شن خليت.كبدى و روحى والعيون خذيت أنريد ننشدك بالله

[ندعوك للتسجيل في المنتدى أو التعريف بنفسك لمعاينة هذه الصورة]